وقّف لحظة واستفسر عن نوعيّة الحُبّ

إذا شي نهار قلت انا انسان بيحب، وقّف لحظة واستفسر من حالك عن نوعيّة الحُبّ اللي عم تحكي عنو.
كلمة المحبة كلمة كتير كبيرة وايام كتير بتدخل فيها الانانية والمصلحة وعقد الدنيي وبتشوه حقيقتها.
المحبة مجبولة بإختباراتنا وماضينا والجروحات اللي حاملينا، واذا بتشوف كل حدا كيف بيحب بتلاقي انو النسبية واللاموضوعية عامية نظرنا.
بتلاقي واحد بيقتل من المحبة، ليش قتلتها؟ لانو بحبها. لا لانو ما قدرت تمتلكها. هيدا غير اللي بيقتل لانو بيحب الله وعم يعمل شو بدو.
بحبها بدي تضل معي كل لحظة، وهيي مخنوقة ومكبّلة وبتبكي كل يوم وما بتقدر تعبر عن رأيها.
بحبو بدي ياه يعمل هالاختصاص بالجامعة، بحبو لدرجة بخترلو يللي موجود بفكري وما شفت ولا مرّة شو في بفكرو.
بحبها بدي تتزوج يللي انا برضى عليه. بحبو ما بدي يكون عندو اصحاب غيري انا. بحبها بدي تقدّر هيدا الشي وتضل تعبرلي عن شكرها كل الوقت… بحبو… بحبها… بحب…. وشو تركنا من الحب؟
الله محبة، يعني هوي كمال الحب، روح شوف حب الله يللي تجسد بيسوع… حب بيحرّر، بيضحّي، بيعطي، بيصبر، بيشفي، بيحنّ، بيترك الانسان يكون هوي وبيصلّح اخطاؤو بالرحمة واللمسة والغمرة… حب بيخلّص العالم، ما بيدينو ولا بيقتلو… حب مصلوب…

تابعوا قناتنا

https://www.youtube.com/channel/UCWTL4VXQh38PrPBZvVSZGDQ

شكراً لزيارة موقعنا وقراءة “وقّف لحظة واستفسر عن نوعيّة الحُبّ” . ندعوك لمشاركة هذه المقالة مع أصدقائك ومتابعتنا على مواقع التواصل الإجتماعي على فيسبوك، انستغرام، يوتيوب وتويتر. نسأل الله أن يضع سلامه في قلبك أينما حللت ومهما فعلت وخاصّة في لحظات الخوف والألم والصعاب. ليباركك الربّ ويحفظك، ليضىء بوجهه عليك ويرحمك وليمنحكم السّلام!